Hyundai Ioniq 6-ის წინასწარმა შეკვეთებმა 24 საათში 37000-ს გადააჭარბა, ახალი რეკორდი ელექტრომობილისადმი უზარმაზარ მოთხოვნაზე მიუთითებს

Hyundai-მ კვირის დასაწყისში გამოაცხადა, რომ სამხრეთ კორეაში Ioniq 6-ის წინასწარი გაყიდვების პირველ დღეს 37,446 შეკვეთა მიიღო.

ზემოაღნიშნული მოვლენა კომპანიისთვის გასაოცარი ახალი რეკორდია, ეს მაჩვენებელი 2021 წლის თებერვლის პირველ დღეს, Hyundai Ioniq 5-ის წინასწარ დაფიქსირებულ 23,760 შეკვეთას მნიშვნელოვნად აღემატება. (ცნობისთვის, Kia EV6-ის პირველი დღის შეკვეთებმა 21 000-ს მიაღწია).

რეკორდი Hyundai Ioniq 6-ის უკვე დიდ პოპულარობაზე, ავტომობილის მიმართ ნდობაზე და მოთხოვნაზე მიუთითებს.

შეგვიძლია ვივარაუდოთ, რომ მას შემდეგ რაც კომპანია შეკვეთების წიგნებს სხვა ბაზრებისთვისაც გახსნის, მაგალითად, აშშ და ევროპა, ჯავშნები მალევე შეივსება.

Hyundai Ioniq 6 ივლისში Busan Motor Show-ზე წარადგინეს. E-GMP-ზე დაფუძნებული სედანი ბატარეის ორი: 53.0 კვტ/სთ და 77.4 კვტ/სთ-იანი ვერსიით იქნება ხელმისაწვდომი.

ეფექტური აეროდინამიკის მეშვეობით, დიდი ალბათობით, ავტომობილი მომხმარებლებს 610 კმ-იან დიაპაზონს შესთავაზებს.

ავტომობილს ასევე ამძრავის ორი ვერსია ექნება- ერთი ძრავის მქონე უკანაამძრავი და ორძრავიან სრულამძრავი.

უმაღლესი დონის კონფიგურაცია გვპირდება, რომ იონიქ 6 0-დან 100 კმ/სთ-მდე აჩქარებას 5,1 წამში შეძლებს.

რა თქმა უნდა, ისევე როგორც E-GMP-ზე დაფუძნებული სხვა მოდელების შემთხვევაში, Hyundai Ioniq-ის სიძლიერე და უპირატესობა სწრაფი დატენვის შესაძლებლობა იქნება.

(10%-დან 80%-მდე დამუხტვას სულ რაღაც 18 წუთი დასჭირდება.)

Ioniq 6-ის ფასები სამხრეთ კორეაში, ადგილობრივი სუბსიდიების ჩათვლით, 39000 დოლარიდან იწყება. (52 მილიონი KRW)

შიდა ბაზარზე გაყიდვები, ოფიციალურად, სექტემბრიდან დაიწყება. რაც შეეხება სხა ბაზრებს, გაყიდვები, სავარაუდოდ, 2023 წლის პირველი ნახევრიდან დაიწყება.

Hyundai Ioniq 6

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატიაროგორ უნდა მოვუაროთ მანქანას, რომ დიდხანს გვემსახუროს
შემდეგი სტატიაRivian R1T-მ Ford F-150 Lightning-ი შოკში ჩააგდო