ელექტრო ავტომობილების მწარმოებელმა კომპანია Tesla-მ ახალი ჰუმანოიდი რობოტი Bot-ის შექმნა დააანონსა, ილონ მასკის აღმავალი თვითპროგრესი გრძელდება.

ილონ მასკმა, სამეცნიერო ფანტასტიკის ახალ სფეროში შეაბიჯა და ხუთშაბათს საღამოს, Tesla-ს Ai day-ზე განაცხადა, რომ კომპანია შექმნის ჰუმანოიდ რობოტს, რომლის პროტოტიპიც, სავარაუდოდ, უკვე მომავალი წლისთვის ექნებათ.

ახალი კონცეპტი, ადამიანებისთვის ყოველდღიური საქმიანობის გამარტივებას ემსახურება.

მასკი იმედოვნებს, რომ ახალი „ანთროპობოტი“  Bot-ი მუშა ადამიანის რთულ საქმიანობას ჩაანაცვლებს.

მისი თქმით, რობოტი გააკეთებს იმას, რისი გაკეთებაც ადამიანებს ყველაზე ნაკლებად სურთ, მაგალითად: დავარდნილი ნივთის ძირიდან აღება, სასურსათო მაღაზიაში წასვლა, ასევე, სახიფათო/უსიამოვნო საქმეების შესრულებადა ა.შ.

Tesla Bot-ის სიმაღლე 173 სანტიმეტრი იქნება, წონა კი- 57კილოგრამი. რობოტს ექნება ეკრანი სადაც სასარგებლო ინფორმაცია იქნება გამოტანილი.

Bot-ი ადამიანის ხმოვან ბრძანებებს დაემორჩილება. ილონ მასკის თქმით, ადამიანის აღნაგობის რობოტი მშვიდი და დამჯერი იქნება. მისი სიჩქარე საათში 8 კილომეტრს მიაღწევს.

ილონ მასკმა, აღნიშნა, რომ Tesla, მისი ავტომობილების სპეციფიკიდან გამომდინარე, ყველაზე დიდი რობო-ტექნიკური კომპანიაა, მან კომპანიის მანქანებზე თქვა, რომ ისინი „ნახევრად-მოაზროვნე რობოტები არიან ბორბლებზე“ მასკმა ასევე, ხაზი გაუსვა საკუთარ ნახევარგამტარებზე მიღწეულ პროგრესს, რომელიც სპეციალურად შექმნილია ნერვული ქსელის მომზადებისთვის.

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!

Tesla

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]