„უხეში“ გარეგნობის, მაღალტექნოლოგიური Tank 500 3.0-ლიტრიანი ტურბო V6 ძრავით – 349 ცხენის ძალას გამოიმუშავებს

Chengdu Motor Show-ზე, რომელიც ჩინეთში, აგვისტოს ბოლოს-სექტემბრის დასაწყისში იმართებოდა, ავტომწარმოებელმა ახალი ჯიპი, სახელად- Tank 500 წარადგინა.

Tank-ი, ჩინური საავტომობილო მარკაა, რომელსაც ავტომწარმოებელი კომპანია Great Wall Motors-ი ფლობს. ის, საზოგადოებამ, 2020  წელს, Tank 300-ის გამოშვების შემდეგ გაიცნო.

უხეში გარეგნობის ჯიპი მაღალტექნოლოგიური სალონით

Tank 500 – დიდი და მძლავრი ჯიპების ახალი მეტოქე ჩინეთიდან
Tank-ის გარეგნობა დიდი ამერიკული ჯიპების კონცეფციითაა შთაგონებული

Tank 500-ის გარეგნობა,  სულ მცირე, დიდი ამერიკული ჯიპების კონცეფციითაა შთაგონებული. დამრეცი კუთხეები და მახვილი ფორმები „ინსპირირებულია“ ისეთი მოდელებისგან, როგორებიცაა : Chevrolet Suburban, Ford Expedition და Jeep Grand Cherokee L.

Tank 500 – დიდი და მძლავრი ჯიპების ახალი მეტოქე ჩინეთიდან
ავტომობილს მასიური ცხაური აქვს, რომელსაც შუაში, გიგანტური ემბლემა T-აქვს გამოსახული

ავტომობილს წინ ლითონისსაფარიანი, მასიური ცხაური აქვს, რომელსაც შუაში, გიგანტური ემბლემა T-აქვს გამოსახული. ძრავის განყოფილების ხუფზე არსებული განაკვეთი, მანქანას სპორტულ იერს აძლევს.

რაც შეეხება ავტომობილის კონფიგურაციას, მას კლასიკური Two-box-ის ფორმა აქვს. ფანჯრებს გარშემო მეტალის მასიური კანტი აქვს შემოვლებული, სახურავზეც ანალოგიურად, მეტალის ორი ცალი მოაჯირია განთავსებული.

მკვეთრად გამოხატული სპოილერი სახურავის უკანა ნაწილზეა მიმაგრებული, უკანვეა სათადარიგო საბურავის კონტეინერი.

მდიდრული და მაღალტექნოლოგიური სალონი

შიგნიდან ჯიპი მდიდრული და კომფორტულია. ავტომობილში განთავსებულია 12.3-ინჩიანი ციფრული მოწყობილობების ნაკრები. საჭესთან დამონტჟებულია 14,6-ინჩიანი დისპლეი.

ცენტრალურ კონსოლზე მართვის კონტროლის ღილაკებია განთავსებული.

Tank 500 – დიდი და მძლავრი ჯიპების ახალი მეტოქე ჩინეთიდან
ავტომობილს 349 ცხენის ძალა აქვს

ავტომობილს აქვს 3.0 ლიტრიანი ტურბო V6-ტიპის ძრავი, რომელიც რომელიც 349 ცხენის ძალას, შესაბამისად 260 კილოვატს გამოიმუშავებს, ბრუნვის მომენტი 500 ნიუტონ/მეტრია. მანქანას გააჩინია 9-სიჩქარიანი ავტომატური ტრანსმისია.

მანქანა სიგრძეში (სათადარიგო საბურავის კონტეინერის გამოკლებით) დაახლოებით-4,9 მეტრია. შედარებისთვის: ახალი Jeep Grand Cherokee L- 5.2 მეტრია.

Tank 500 ჩინეთის ბაზარზე 2021 წლის ბოლოს გავა. ჯერჯერობით უცნობია გაიტანენ თუ არა ახალ ჯიპს სხვა ქვეყნების ბაზრებზე.

Tank 500

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატიაAudi Grand Sphere Concept: განსაცვიფრებელი 710 ცხენის ძალის მქონე ელექტრო GT
შემდეგი სტატიაMercedes-Maybach EQS SUV Concept-ის დებიუტი- უნაკლოდ სტილიზებული ელექტრომანქანა