Subaru-მ 2022 წლის აგვისტოს გაყიდვები გამოაქვეყნა, მიუხედავად რიგი გამოწვევებისა, რომელიც დღეს ავტომწარმოებლის წინაშე დგას, რიცხვები დადებითია.

მოდელებმა Crosstrek და Outback-მა, დავალებას თავი წარმატებით გაართვეს, ავტომწარმოებელმა 15,126 და 10,928 ერთეული გაყიდა, შესაბამისად.

მაგრამ, საქმე მთლად კარგად მაინც არაა, WRX/STI-ის წლიური გაყიდვები უზარმაზარ, 41,2%-იან ვარდნას განიცდის.

Subaru-ს 2022 წლის აგვისტოს ანგარიში: WRX STI-ის გაყიდვები მკვეთრ ვარდნას განიცდის
2021 წელთან შედარებით WRX STI-ს გაყიდვები 43,2%-ით არის შემცირებული

ეს შეიძლება წარმოების ნელი ტემპით და შეზღუდული მიწოდებით იყოს გამოწვეული, თუმცა არსებობს გაყიდვების ვარდნის კიდევ ერთი შესაძლო მიზეზი – WRX უბრალოდ აღარ არის მიმზიდველი მისი სამიზნე აუდიტორიისთვის.

ავტომწარმოებელმა გასულ თვეში მხოლოდ 2,304 WRX გაყიდა. მართალია, ეს უკეთესი მაჩვენებელია, ვიდრე ივლისში, მაგრამ სპორტული სედანისთვის ეს რიცხვი მაინც კატასტროფულია.

საინტერესოა ისიც, რომ ბრენდის სხვა სპორტული შეთავაზება, BRZ, ყველაზე ნელი ტემპით იყიდება. აგვისტოში ავტოსალონებიდან მხოლოდ 308 ეგზემპლარი გაიყიდა.

Subaru-ს 2022 წლის აგვისტოს ანგარიში: WRX STI-ის გაყიდვები მკვეთრ ვარდნას განიცდის
Subaru BRZ აგვისტოში მხოლოდ 308 ეგზემპლარი გაიყიდა

ბევრი შეიძლება ფიქრობდეს, რომ Subaru-ს გაყიდვებს ამ მოდელების ჩავარდნა ვერაფერს დააკლებს, თუმცა საკმარისია გავიხსენოთ რა დაემართა ერთ დროს მის ყველაზე ახლო კონკურენტ Mitsubishi-ს, როდესაც ამ უკანასკნელმა გადაწყვიტა შეწყვიტოს სპორტული მანქანების წარმოება და ფოკუსირება მოახდინოს მასობრივ ბაზარზე. მიცუბიშის აღნიშნულ ნაბიჯს, კომპანიის გაყიდვების საგრძნობი შემცირება მოჰყვა.

ეს შეიძლება სუბარუს არ დაემართოს, მაგრამ გასათვალისწინებლად ნამდვილად ღირს.

შეგახსენებთ, რომ 2022 წლის მონაცემებით, სუბარუ, მსოფლიოს 20 ყველაზე მაღალშემოსავლიანი ავტომწარმოებლის რეიტინგში, მე-20 ადგილს იკავებს.

Subaru

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატია10 მიზეზი Off-Road-ის მოყვარულებს, თუ რატომ უნდა შეაჩეროთ არჩევანი Toyota Tacoma-ზე
შემდეგი სტატიაMercedes-Benz-ის ცხაურის ევოლუცია, ანუ გზა რადიატორის საფარველიდან- ელექტრო სენსორებამდე
ჩვენი გუნდი იძიებს საინტერესო და სასარგებლო ამბებს ავტომანქანებზე მთელ მსოფლიოში