კომპანია Nissan -მა კონცეპტუალური კუპე Z Proto გვაჩვენა. ავტომობილის სერიული წარმოება 2021 წლიდან დაიწყება.

ახალი Z Proto 4381 მილიმეტრამდეა დაგრძელებული, ხოლო სისქე და სიმაღლე 1850 და1310 მილიმეტრია. შედეგად ის Nissan 370Z -ზე 127 მმ-ით გრძელი გამოდის, ასევე ცოტა სქელი და დაბალიც.

რეტროსტილი და V6 ძრავა: Nissan – მა ახალი სპორტქარის პროტოტიპი ოფიციალურად წარმოგვიდგინა

Z Proto – ს V6 ორტურბინიანი ძრავა და  6 სიჩქარიანი უკანა გამწევი მექანიკური გადაცემათა კოლოფი ექნება. სიმძლავრე ჯერ არ გაჟღერებულა, თუმცა Carscoops -ის ინფორმაციით ეს ზუსტად ის ძრავა იქნება, რაც Infinity Red Sport-ის მოდელებში გვხვდება, 406 ცხენის ძალით და 474 ნიუტონ მეტრით.

ყველა მაჩვენებლის გათვალისწინებით ახალი სპორტქარი თავის წინამორბედ Nissan 370Z – თან შედარებით საგრძნობლად მძლავრი იქნება, შეგახსენებთ რომ 370Z – ში 3.7 V6 337 ცხენის ძალის სიმძლავრის ძრავა დგას. ამასთან ახალი კუპე სიმძლავრით თავის მთავარ კონკურენტს Toyota Supra – საც აღემატება, სუპრას ძრავა მხოლოდ 340 ცხენის ძალას ანვითარებს.

nissan

Z Proto – ს მსუბუქი აეროდინამიკური კორპუსი აქვს, რომელიც კარბონით არის დამზადებული. კონცეპტი გარეგნულად რეტროსტილშია გადაწყვეტილი,  იგრძნობა Z – ის საკულტო მოდელების ელემენტები: ღია ყვითელი საღებავი, გრძელი წინა ნაწილი და მომრგვალებული მაშუქები პირველი თაობის 240-ს გვახსენებს. საბარგულზე მას Fairlady Z-ის ემბლემაც აქვს.

ახალი კუპე სიმძლავრით თავის მთავარ კონკურენტს Toyota Supra – საც აღემატება.

Z Proto-ის უკანა მხარე ყველაზე მიმზიდველი წერტილია, რადგან ავტომობილის პროპორციებს შავი სახურავი და ვერცხლისფერი კონტური ყველაზე კარგად წარმოაჩენს. შავ გამჭირვალე შუშაში უკანა მაშუქებია დამალული. ეს კონკრეტული შტრიხი 90-იანების 300ZX-ის დიზაინს აცოცხლებს.

nissan
nissan

სალონი ძალიან თანამედროვედ გამოიყურება აქ ექსტერიერისგან განსხვავებით ვინტაჟური ხასიათი არ იგრძნობა. ის სრულფასოვანი მულტიმედიური სისტემით არის აღჭურვილი, მათ შორის არის ორი სუპერთანამედროვე მონიტორი. ავტომობილის სამართავად ე.წ. Deep Dish-ის სტილის მქონე, 3-ქიმიანი საჭე გამოიყენება, რომელსაც შუაში Z-ის ემბლება ამშვენებს.

nissan
nissan
nissan

სავარძლები ტყავისგან და ალკანტარისგანაა დამზადებული და მას ყვითელი აქცენტები გასდევს. გეტყვით იმასაც, რომ Z Proto, ისევე როგორც მისი წინამორბედი, მხოლოდ ორადგილიანია.

Nissan Z Proto ჯერ მხოლოდ კონცეპტუალური მოდელია, მისი სერიული წარმოება 2022 წლიდან არის დაგეგმილი. Z Proto – ს სავარაუდო საწყისი ფასი კი $40.000 იქნება.

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!

nissan

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]