Opel Rocks-e Kargo ამანათების, საკვების და ზოგადად, ნებისმიერი ტიპის მიწოდების/ტრანსპორტირებისთვისაა შექმნილი

Opel-მა თავისი Sustainable Urban Mobility (SUM) ავტომობილების ოჯახის ახალი წევრი- Rocks-e Kargo, პატარა ზომის ელექტრომობილი წარადგინა.

“ურბანული გადამზიდი”

ეს მცირე ზომის ელექტრომობილი ურბანულ გარემოში ნივთების მარტივად, უსაფრთხოდ და მოხერხებულად გადასაზიდადაა შექმნილი.

ევროკავშირის კლასიფიკაციის მიხედვით Rocks-e Kargo არა მანქანა, არამედ-კვადროციკლია.

კომპაქტური და ფუნქციონალური

Rocks-e Kargo განახლებული Citroen My Ami Cargo-ა. მგზავრის სავარძელი მოხსნილია, ჩანაცვლებულია სათავსოთი, რომელიც, დაახლოებით, 400 ლიტრ ტვირთს იტევს.

უფრო გრძელი ნივთებისთვის Rocks-e Kargo-ს “რეგულირებადი” იატაკი აქვს. ის, დაახლოებით, 1,2 მეტრი სიგრძის ნივთის განთავსების საშუალებას იძლევა.

რაც შეეხება „ტვირტთამწეობას“- ავტომობილს 140 კგ ტვირთის ტრანსპორტირება შეუძლია.

მრავალმხრივი “დელივერი”

როგორც უკვე აღვნიშნე Kargo განკუთვნილია ამანათების, საკვების და სხვადასხვა ტიპის პროდუქციის მიწოდება/გადატანისთვის.

რა ხდის Rocks-e Kargo-ს ურბანულ გარემოში ტვირთების სრულყოფილ გადამზიდად?

რა თქმა უნდა მისი მცირე ზომა!

მახასიათებლები:

მისი სიგრძე- 2,41 მეტრია, სიგანე-1,39 მეტრი, ხოლო სიმაღლე-1,52 მეტრს უტოლდება.

ეს ფაქტი მცირე ზომის ელექტრომობილს მჭიდრო და ვიწრო ჩიხებში თავისუფლად გადაადგილება/ლავირების საშუალებას აძლევს.

მისი შემობრუნების რადიუსი 7.2 მეტრია, ეს ფაქტი კი მის ეფექტურ მანევრირებას უზრუნველყოფს.

სიმძლავრე

ისევე როგორც Rocks-e ორადგილიან სამგზავრო EV-ს ასევე Rocks-e Kargo-საც 8 ცხენის ძალა აქვს (უწყვეტი სიმძლავრით). მაქსიმალური სიმძლავრე (აჩქარებისთვის) 12 ცხენის ძალაა.

ბატარეა/დიაპაზონი

5,5 კვტ/სთ სიმძლავრის ბატარეას სრულად დასატენად 4 საათი სჭირდება.(საყოფაცხოვრებო პირობებში). მისი ელექტრო დიაპაზონი 75 კილომეტრია.

Opel-ი Rocks-e Kargo-ს შეკვეთების მიღებას გერმანიასა და ნიდერლანდებში ამ წლის ბოლოს დაიწყებს. მოგვიანებით სხვა ბაზრებზე გასვლაც იგეგმება, თუმცა, ამის შესახებ ზუსტი მონაცემები ჯერ არ გვაქვს.

Opel Rocks-e Kargo

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატიაFerrari Purosangue SUV- პირველი თიზერი
შემდეგი სტატიაMercedes-მა ახალი T-კლასის ფურგონის თიზერი გაავრცელა