ავტოინდუსტრიის გერმანულმა გიგანტმა მერსედესმა (Mercedes-Benz) და ამერიკულმა სტარტაპ-კომპანია რივიანმა (Rivian) მემორანდუმს მოაწერეს ხელი.

აღნიშნული შეთანხმების ფარგლებში, ისინი ევროპაში საერთო ქარხანას შექმნიან, რომელიც მომავალში მხოლოდ ელექტრო-ფურგუნებს გამოუშვებს.

როგორც Carscoops წერს, მიზნის განსახორციელებლად კომპანიები ცენტრალურ ან აღმოსავლეთ ევროპაში მდებარე მერსედესის ქარხანას გამოიყენებენ. ქარხანა მანქანებს როგორც Mercedes-ის, ასევე Rivian-ის ბრენდით აწარმოებს.

“მოხარული ვართ მერსედესთან თანამშრომლობით, მსოფლიოში ერთ-ერთ ყველაზე ცნობილ და ავტორიტეტულ საავტომობილო კომპანიასთან. ჩვენ გვჯერა, რომ ერთად მართლაც საოცარ ელექტრო ფურგონებს შევქმნით” – R. J. Scaringe, Rivian-ის აღმასრულებელი დირექტორი.

Mercedes-ი და Rivian-ი ევროპაში ერთობლივ საწარმოს გახსნიან
Rivian-ის აღმასრულებელი დირექტორი RJ Scaringe

როგორც ირკვევა, კომპანიებს შორის გაფორმებული მემორანდუმი ელექტრო ფურგონების წარმოების ორი პარალელური ხაზის გახსნას ითვალისწინებს, როგორც Mercedes-Benz-ის VAN.EA-ის, ასევე Rivian Light Van-ის პლატფორმებზე.

“2025 წლიდან ყველა ფურგონი, რომელიც ჩვენს ახალ VAN.EA ტექნოლოგიაზეა დაფუძნებული, მხოლოდ ელექტრო იქნება. მოხარული ვარ, რომ ამ ტრანსფორმაციის ფარგლებში, Rivian-თან გავერთიანდით, ძალიან ძლიერ ტექნოლოგურ, დინამიურ და შთამაგონებელ პარტნიორთან” – მათიას გეიზენი, Mercedes-Benz Vans-ის ხელმძღვანელი.

Rivian და Mercedes ამბობენ, რომ მათ საერთო ამბიცია აქვთ – სწრაფად გაზარდონ ელექტრო ფურგონების წარმოება, და ამით დაეხმარონ მსოფლიოს ეკოტრანსპორტზე გადასვლაში.

Mercedes-ი და Rivian-ი ევროპაში ერთობლივ საწარმოს გახსნიან
2025 წლიდან მერსედესის ყველა ფურგუნი ელექტრო იქნება

ერთობლივი მუშაობა კომპანიებს საშუალებას მისცემს, რომ ხარჯების ეფექტურობა გააუმჯობესონ და პროდუქტი  მასობრივად ხელმისაწვდომი გახადონ.

Mercedes Rivian

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატიამარჯვენა და მარცხენა საავტომობილო მოძრაობა, რატომ განსხვავდება ის სხვადასხვა ქვეყანაში?
შემდეგი სტატიაBMW XM-ის დებიუტი, სავარაუდოდ, 27 სექტემბერს შედგება
ჩვენი გუნდი იძიებს საინტერესო და სასარგებლო ამბებს ავტომანქანებზე მთელ მსოფლიოში