სუპერ ჯიპი Lamborghini Urus-ი გამოსვლის დღიდან ბრენდის ერთ-ერთ ყველაზე პოპულარულ და მოთხოვნად მოდელად იქცა

გასული წლის 20 ივლისს Lamborghini-მ Sant’Agata Bolognese-ს ქარხნიდან Urus-ის მე-15 000 ერთეული გამოუშვა.

11 თვის შემდეგ, სწრაფი ნაბიჯით, სუპერ ჯიპის მე-20 000 ეგზემპლარი შეიქმნა.

ფერი-Viola Mithras, პანორამული სახურავი და შავი სამუხრუჭე ხუნდები. შთამბეჭდავი ჯიპი აზერბაიჯანში, თავის კანონიერ მფლობელთან მიემართება.

ლამბორგინის 20 000 ერთეულის დასამზადებლად მხოლოდ 4 წელი დასჭირდა.

ურუსი კომპანიის ყველაზე პოპულარული და გაყიდვადი მოდელი უმოკლეს დროში საკმაოდ მარტივად გახდა.

იტალიურმა ბრენდმა მაღალი მოთხოვნიდან გამომდინარე მიწოდება გააორმაგა, საჭირო გახდა დამატებითი მუშახელის მოძიება, კომპანიამ ურუსზე სამუშაოდ 500-ზე მეტი ახალი კადრი აიყვანა, გაფართოვდა ქარხანაც.

ლამბორგინი ურუსის ექსტერიერის ტოპ 5 მოთხოვნად და ყველაზე სასურველ ფერსაც ასახელებს-Grigio Telesto, Blu Cepheus, Viola Pasifae, Nero Noctis Matt და Arancio Borealis.

რაც შეეხება მახასიათებლებს, ქროსოვერის ტყუპი ტურბო 4.0-ლიტრიანი V8 650 ცხენის ძალას გამოიმუშავებს, მისი ბრუნვის მომენტი კი 850 ნმ-ს უტოლდება.

Urus-ის ელექტრო მომავალი

ურუსის გაუმჯობესებულ “Evo” ვერსიას, სავარაუდოდ აგვისტოში, Pebble Beach-ზე წარადგენენ.

ბრენდმა ახლახან სრულად ელექტრო ვერსიის გამოსვლაც დაადასტურა, მაგრამ ელექტრო ურუსს, დიდი ალბათობით,  ათწლეულის ბოლომდე ვერ ვნახავთ.

რაც შეეხება plug-in hybrid ვერსიას მასზე ჭორები უკვე დიდი ხანია დადის. ამბობენ, რომ ჰიბრიდული ვერსია, დაახლოებით 820 ცხენის ძალის გამომუშავებას შეძლებს.

ლამბორგინის დიზაინერმა განაცხადა, რომ ელექტრო ძრავებზე გადასვლა შეუქცევადი და აუცილებელი პროცესია.

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!

Lamborghini Urus

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]