Ferrari-ის ჯიპის Purosangue-ს დებიუტი სექტემბრისთვისაა დაგეგმილი, ავტომობილს V12 ძრავი ექნება და ის ბრენდის პირველი ჯიპის სტატუსს მიიღებს

Ferrari-მ 2018 წლის სექტემბერში საზოგადოებას Purosangue-ს შესახებ აცნობა. მას შემდეგ თითქმის 4 წელი გავიდა და როგორც ცნობილია, ლოდინი, ფაქტობრივად, დასასრულს მიუახლოვდა.

სექტემბერში Maranello-ს სახლი თავის პირველ, ძლიერი V12 ძრავის მქონე ჯიპს წარადგენს. ამ და სხვა წვრილმან საკითხებზე ინფორმაცია ცნობილი Capital Markets Day-ის ფარგლებში გახდა.                                                                                           

ცნობილია, რომ ავტომწარმოებელი Purosangue-ს (შედარებით) ექსკლუზიურად გაყიდის, 2023 წლიდან ყოველ 5 გაყიდულ ფერარიში მხოლოდ 1 Purosangue იქნება.

იტალიური ბრენდი თავისი ახალი ავტომობილისთვის „ჯიპის“ დაძახებას კვლავ ერიდება, ის ამბობს, რომ მოდელი “არავის მსგავსი” არ იქნება.

შენიღბული პროტოტიპი

შენიღბულ პროტოტიპზე დაყრდნობით შეგვიძლია ვთქვათ, რომ Purosangue-ს ჯიპისთვის დამახასიათებელი ტიპიური ფორმა არ ექნება,

როგორიც, მაგალითად მის პირდაპირ კონკურენტებს, Urus-სა და DBX-ს აქვს, ის სადღაც მათსა და GTC4lusso-ს შორის იქნება…

რაც ყველაზე მნიშვნელოვანია ავტომობილს ე.წ „naturally aspirated“ V12 ექნება.

აღსანიშნავია, რომ 2026 წლისთვის შემოთავაზებული მანქანების 60%-ს ჰიბრიდული ან/და წმინდა ელექტროძრავები ექნებათ.

ხოლო დანარჩენი 40% შიდა წვის ძრავზე მომუშავე ავტომობილებით იქნება წარმოდგენილი.

ფერარის არ დაუკონკრეტებია თუ რა ძალას მისცემს V12 ახალ ჯიპს. თუმცა, ანალოგიური ძრავი 812 Competizione-ში 830 ცხენის ძალას გამოიმუშავებს.

Ferrari თავისი ახალი ქმნილებით ისეთ ბრენდებს შეუერთდება, როგორებიცაა- Bentley, Rolls-Royce, Aston Martin და Lamborghini. გასაგებად რომ ვთქვათ ისეთი მაღალი კლასის ბრენდების სიაში აღმოჩნდება, რომელთაც თავიანთ რიგებში ჯიპებიც ჰყავთ.

აქვე- ფერარის გზას მაკლარენი, სავარაუდოდ, ათწლეულის ბოლომდე დაადგება.

Ferrari Purosangue

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატიაSony Honda Mobility Company პირველ ელექტრომობილებს 2025 წელს გამოუშვებს
შემდეგი სტატიაBugatti-მ პირველი, 1600 ცხენის ძალის მქონე Centodieci ჩააბარა