Aston Martin-ი Pebble Beach Concours-ზე ორ ახალ მოდელ წარადგენს, მოწვეული სტუმრები Valhalla-ს და DBX707-ის ხილვასაც შეძლებენ

Aston Martin-ი თავის ორ ახალ მოდელს Pebble Beach Concours d’Elegance-ზე წარადგენს. ამის გარდა მოწვეული სტუმრები Valhalla-ს F1-ით შთაგონებულ კაბინას იხილავენ და DBX707-ის სატესტო დრაივებს დაესწრებიან.

ბრიტანული ბრენდი სადებიუტო მოდელებს საიდუმლოდ ინახავს. ავტომწარმოებელი ერთ-ერთ მათგანზე ამბობს, რომ მთლიანად შესრულებაზეა ორიენტირებული.

მანქანა მომხმარებლებს დაუვიწყარ ემოციებს და ინტენსიურ მართვის სიამოვნებას შესთავაზებს, ამ მოდელს 19 აგვისტოს ვიხილავთ.

მეორე მოდელი Q by Aston Martin პერსონალიზაციის განყოფილებიდან იქნება. ეს მოდელი ლე მანის 24 საათზე ასტონ მარტინის მიღწეულ წარმატებებს ეხმაურება.

VIP ზონის სტუმრები Pebble Beach-ზე Valhalla-ს სალონში ჩაჯდომასაც შეძლებენ. ავტომობილს რბოლით შთაგონებული სავარძლები და ოვალური ფორმის საჭე აქვს.

Valhalla

ასტონ მარტინი Valhalla-ს 999 ერთეულის შექმნას გეგმავს. სუპერმანქანის მიწოდება 2024 წლიდან დაიწყება.

ავტომობილი სიმძლავრეს 4.0-ლიტრიანი ტყუპი ტურბო V8-დან და წყვილი ელექტროძრავიდან იღებს.

ძრავების კომბინაციით სუპერქარი 937 ცხენის ძალას გამოიმუშავებს, მისი ბრუნვის მომენტი კი 1000 ნიუტონ მეტრს უტოლდება.

ვალჰალას 0-დან 100 კმ/სთ-მდე აჩქარებისთვის მხოლოდ 2,5 წამი სჭირდება, მისი მაქსიმალური სიჩქარე კი 350 კმ/სთ-ს აღწევს.

DBX707

რაც შეეხება DBX707-ს ეს ბრენდის ქროსოვერის უფრო ცხელი ვერსიაა. მისი ტყუპი ტურბო 4.0-ლიტრიანი V8 697 ცხენის ძალას გამოიმუშავებს, ბრუნვის მომენტი კი 900 ნიუტონ მეტრს უტოლდება.

VIP სტუმრებს ქროსოვერის ტესტ დრაივის დაჯავშნაც შეუძლიათ.

Aston Martin

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

[თქვენი მონაცემების უსაფრთხოება 100% დაცულია]

ავტოსამყაროს სიახლეები

შეიყვანე ელ.ფოსტა და გამოიწერე უნიკალური სტატიები ავტომობილების შესახებ!

ჩვენ არ ვაგზავნით სპამს!


წინა სტატიაავტომობილების ყიდვა-გაყიდვის საიტები საქართველოში
შემდეგი სტატიაChevy Corvette-ს ელექტრო სედანი 2025 წელს გამოვა